“Bolashaq” Академиясында “Қарағанды қаласының 90 жылдығына” арналған бейнероликтер мен зияткерлік ойындар байқауының қорытындысы шығарылды. Жеңімпаздар сыйлық ретінде, Карлаг тарихи кешеніне саяхатқа баруға бірегей мүмкіндік алды. 22 мамырда бейнероликтер байқауы мен зияткерлік ойын жеңімпаздары экскурсия жасап қайтты, ол барлық қатысушыларға ұмытылмас әсер қалдырды.
Экскурсия барысында студенттер ұзақ уақыт бойы есте қалатын, жүректі ауыртатын оқиғалармен таныса алды.
Карлагқа жасалған экскурсия студенттердің тарихи білімін кеңейтіп қана қоймай, сол кездегі трагедияны тереңірек түсінуге мүмкіндік берді. Барлық қатысушылар риза болып, бұл бірлескен іс-шара олардың командалық рухын нығайтып, көптеген танымдық мәліметтер бергенін атап өтті.
Байқау жеңімпаздары “Bolashaq” Академиясына Карлагқа баруға берілген мүмкіндігі үшін алғыс білдіреді және мұндай іс-шаралар студенттердің рухани және интеллектуалдық дамуына ықпал ететін жақсы дәстүрге айналады деп үміттенеді.
