23 қазан күні қазақ тілі мен әдебиеті кафедрасының доценті Ж.М.Баймұрынов кәсіби бағдар жұмысы аясында қаламыздағы Ә.Бөкейхан атындағы ЖББМ және №65 ЖББОМ-ның 11-сынып оқушыларын «Bolashaq» Академиясы жайлы ақпаратпен таныстырды.
Кәсіби бағдар жұмысы «Bolashaq» академиясында жоспарлы түрде жыл бойы кезең-кезеңімен жүргізіледі. Академия қызметкерлері орта білім беру ұйымдарының бітіруші сынып (курс) оқушыларын білім беру бағдарламалары және оларға деген сұраныс деңгейі, оқу мүмкіндіктері, академия студенттерінің жетістіктері, сондай-ақ оқытушылық құрам жайлы мәліметпен таныстырады, оқушылар тарапынан қойылатын сұрақтарға жауап береді.
![](https://bolashaq.edu.kz/wp-content/uploads/2023/12/IMG_0074-1000x750.jpeg)
Бұл жолы да Ж.М.Баймұрынов оқушыларға республикамыздағы мамандықтарға деген сұраныс деңгейі және оның академия миссиясында үнемі ескеріліп отыратыны, академия түлектерінің мүмкіндіктері жөнінде жан-жақты әңгімелеп берді.
![](https://bolashaq.edu.kz/wp-content/uploads/2023/12/IMG_0075-750x1000.jpeg)
Кафедра оқытушыларының кәсіби бағдар жұмысы алдағы күндерде де жалғасатын болады.
Қазақ тілі мен әдебиеті кафедрасы