«Bolashaq» Академиясы 2026 жылдың 26 қаңтары мен 6 наурызы аралығында “Bolashaq Science Awards” ғылыми жобалар конкурсын жариялайды. Конкурстың мақсаты – Академиядағы ғылыми-зерттеу және инновациялық қызметті дамыту, ПОҚ, жас ғалымдар мен білім алушылардың ғылыми әлеуетін арттыру, ғылыми мектеп қалыптастыру және республикалық әрі халықаралық гранттарға дайындық жүргізу. Конкурс әлеуметтік-гуманитарлық ғылымдар, сондай-ақ тіршілік ғылымдары, білім және денсаулық бағыттарын қамтиды. Қатысушылар: ПОҚ, ғылыми қызметкерлер, докторанттар, магистранттар, студенттер және сыртқы ғалымдар (қоса орындаушы ретінде). Жоба жетекшісі PhD, ғылым докторы немесе кандидаты бар Академия қызметкері болуы тиіс. Жобалар іргелі немесе қолданбалы бағытта ұсынылады, орындау мерзімі – 8 ай. Өтінім құрамына аннотация, мақсат-міндеттер, ғылыми жаңалық, күтілетін нәтиже, команда, күнтізбелік жоспар және смета кіреді. Өтінімдер қағаз немесе электронды форматта қабылданады, жобалар өзектілік, ғылыми маңыздылық, жаңалық, команда біліктілігі және жоспардың орындылығы бойынша бағаланады.
