«Bolashaq» Академиясының 30 жылдығына арналған (халықаралық қатысумен) студенттердің, магистранттардың, докторанттардың және жас ғалымдардың Республикалық ғылыми-тәжірибелік конференциясы аясында 2026 жылғы 27 ақпанда №5 «Тілдер – мәдениетаралық қарым-қатынас негізі» атты секциялық отырыс өтті.
Секция жұмысына бакалавриат пен магистратура білім алушылары дайындаған 30 ғылыми мақала ұсынылды. Баяндамалардың тақырыптары шетел тілдерін оқыту әдістемесінің қалыптасуы мен дамуы, тарихи-лингвистикалық мәселелер, аударматану проблемалары, білім алушылардың жеке білім беру тәжірибесін талдау, сондай-ақ болашақ мамандардың кәсіби құзыреттіліктерін қалыптастыру және тұлғалық әлеуетін дамыту мәселелерін қамтыды.
Қатысушылар құрамына «Bolashaq» Академиясының білім алушыларымен қатар сыртқы жоғары оқу орындарының өкілдері, соның ішінде «Е. А. Бөкетов атындағы Қарағанды университеті» КЕАҚ-ның «Аударма ісі» білім беру бағдарламасының студенттері қатысты. Күндізгі форматта өзектілігімен және ғылыми негізділігімен ерекшеленген 15 баяндама тыңдалды. Сонымен қатар секция қатысушысы, 1-курс магистранты Шитова Екатерина конференцияның пленарлық отырысында баяндама жасады.
Сараптамалық бағалау мен ғылыми пікірталас қорытындысы бойынша жүлделі орындар төмендегідей бөлінді:
I орын:
– Свяжин А.А., Юнусова З.С. («Е. А. Бөкетов атындағы Қарағанды Ұлттық зерттеу университеті»)
II орын:
– Колосовская Д.В., Берікбол А.Н. («Е. А. Бөкетов атындағы Қарағанды Ұлттық зерттеу университеті»)
– Сорокин Д.С. (Академия «Bolashaq»)
III орын:
– Перетяжко С.В., Барышков А.В. («Е. А. Бөкетов атындағы Қарағанды Ұлттық зерттеу университеті»)
– Шенсизбаев М.Т. («Е. А. Бөкетов атындағы Қарағанды Ұлттық зерттеу университеті»)
– Соколова Я.М. (Академия «Bolashaq»)
№5 секциялық отырыстың өткізілуі мәдениетаралық коммуникация мен тілдік білім берудің өзекті мәселелерін талқылауға арналған маңызды алаңға айналды. Ұсынылған зерттеулер білім алушылардың ғылыми даярлығының жоғары деңгейін, лингвистика, аударматану және шетел тілдерін оқыту әдістемесі салаларына деген қызығушылығын, сондай-ақ жаһандық білім беру кеңістігінде кәсіби құзыреттіліктерін жетілдіруге ұмтылысын айқындады. Алдағы уақытта секцияның ғылыми бағыттарын мәдениетаралық коммуникация саласындағы заманауи үрдістерді тереңірек зерделеу, тілдік білім беруге цифрлық технологияларды енгізу, жаһандану жағдайындағы аударма стратегияларын дамыту және полимәдениетті тұлғаны қалыптастыру мәселелері арқылы кеңейту орынды деп саналады. Бұл секциялық отырыс аясында тілдік және мәдениетаралық білім берудің жаңа даму бағыттарын айқындауға және қатысушылардың ғылыми-зерттеу әлеуетін арттыруға мүмкіндік береді.
