Академиямыздағы студенттердің шығармашылық қабілетін дамыту, олардың өнерге қызығушылығын арттыру және мәдени орта қалыптастыру мақсатында «Qagan» би үйірмесі жұмыс істейді. Үйірме бірнеше маңызды бағыттарды қамтып, студенттердің би мәдениетін жетілдіруге, сахналық тәжірибесін арттыруға және шығармашылық белсенділігін дамытуға бағытталған.
Үйірменің негізгі қызмет бағыттары төмендегідей:
– түрлі би стильдерін үйрету (қазақ биі, заманауи би, фольклорлық би элементтері);
– студенттердің пластикалық қозғалысын, ырғақ сезімін және сахналық мәдениетін дамыту;
– концерттік нөмірлер дайындау және академияның мәдени іс-шараларына қатысу;
– командалық жұмыс, тәртіп, жауапкершілік және шығармашылық ойлау дағдыларын қалыптастыру;
– би импровизациясын, хореографиялық қойылымдарды меңгеру;
– ұлттық би өнерін дәріптеу және заманауи бағыттармен ұштастыру.
«Qagan» би үйірмесінің қатысушылары академияның мәдени-тәрбиелік шараларына белсенді түрде атсалысып, өңірлік және республикалық деңгейдегі концерттерде өнер көрсетеді. Үйірме мүшелері шығармашылық қабілеттерін шыңдап, сахналық еркіндікке, өзіне деген сенімділікке және эстетикалық талғамға ие болады.
«Qagan» би үйірмесі – Академиядағы өнер мен шығармашылықты дамытатын маңызды орталықтардың бірі. Үйірменің негізгі мақсаты – дарынды жастарға қолдау көрсету, олардың би өнеріне деген қызығушылығын арттыру және мәдени орта қалыптастыру.
Жауапты тұлға:
Үйірме жетекшісі – Байгісі Мерейна Сәндібекқызы
Байланыс телефоны:
+7 708 633 23 62
«Qagan» би үйірмесінің жұмыс күндері:
Күндері: сейсенбі, жұма
Уақыты: 14:00–16:00
Қатысушылар: студенттер
Мекенжай: Ерубаева 16, акт залы