Кураторлық сағаттың мақсаты – студенттерді лудомания (ойынға тәуелділік) проблемасымен таныстыру және оның заманауи қоғамда психикалық денсаулыққа және адамдардың мінез-құлқына әсер ететін ауыр проблема екенін түсіндіру.
Аға эдвайзер Абдрешева Мадина Каббасовна, шараны тақырыпты таныстырумен және оның қазіргі қоғамдағы маңыздылығын түсіндірумен бастады. Лудоманияның таралуы туралы статистикалық деректер келтіріліп, тәуелділіктің әртүрлі түрлері: құмар ойындардан бастап, онлайн-ойындар мен виртуалды казиноларға дейін айтылды.
Талқылау барысында студенттер лудоманияның дамуына ықпал ететін негізгі себептерді қарастырды: стресс, жылдам ақша, қызығушылықтың болмауы және өмірлік мақсаттардың жоқтығы. Студенттер белсенді түрде пікірталасқа қатысып, ойынға тәуелділіктің адамның мінез-құлқына, қаржылық жағдайына, отбасы мен қарым-қатынастарға қалай әсер ететіндігі туралы өз ойларын бөлісті.
Лудоманияға қарсы тәсілдер туралы айтылды: өзін-өзі бақылау, қоғамдық өмірге қатысу, жақын адамдардың қолдауы және кәсіби психологтардың көмегі. Сонымен қатар, тәуелділікті емдеудің қазіргі әдістері, соның ішінде терапия, қолдау топтарына қатысуы және тәуелділікті жеңуге бағытталған әлеуметтік бағдарламалар қарастырылды.
Кураторлық сағаттың соңында студенттерге өз өмірінде немесе жақындары арасында тәуелділіктің алдын алу үшін қандай шаралар қабылдай алатындығы туралы пікірталас өткізілді. Студенттер осындай мәселелерді ашық түрде талқылаудың маңыздылығын атап өтіп, тәуелділіктерден қорғану әдістері туралы қосымша ақпарат алуға қызығушылық танытты.
Студенттер ойынға тәуелділік мәселесіне қызығушылық танытып, осы тақырыпты тереңірек түсіну қажет екендігі туралы өз ойларын білдірді.
