2025 жылғы 23 сәуірде «Bolashaq» Академиясы «Қазақ тілі мен әдебиеті» кафедрасының аға оқытушылары, Н.К.Қасетова, Қ.Қ. Жанұзахова және Н.Т.Ахметованың Қарағанды қаласының Ахмет Байтұрсынұлы атындағы №41 мектеп–гимназиясы КММ-нің 11 сынып оқушыларымен кәсіби бағдар беру барысындағы кездесуі өтті.
Оқушыларды мамандықты өз бетінше, саналы түрде таңдауға дайындау әр адамның үйлесімді дамуының міндетті бөлігі болуы керек және оқушының физикалық, эмоционалдық, интеллектуалдық, еңбек, эстетикалық тәрбиесімен тығыз байланысты қарастырылуы керек. Нарықтық қатынастар еңбек сипаты мен мақсаттарын түбегейлі өзгертеді: оның қарқындылығы артады, шиеленіс күшейеді, жоғары кәсібилік, төзімділік пен жауапкершілік қажет.
Осыған байланысты жастар мен оқушылар арасында мақсатты кәсіптік бағдарлау жұмыстарын жүргізуге үлкен назар аудару қажет, ол жеке тұлғаның кәсіби ниеттерін қалыптастыруды және оны жүзеге асыру жолдарын анықтайтын негізгі факторлардың бүкіл жүйесін терең білуге негізделуі керек. Сондықтан біздің «Bolashaq» Академиясының кәсіптік бағдар беру жұмысының басым бағыттарының бірі – мектеп түлектерімен кездесу.
Мектеп оқушыларының алдында «Қазақ тілі мен әдебиеті» кафедрасының аға оқытушылары, Н.К.Қасетова, Қ.Қ. Жанұзахова және Н.Т.Ахметова сөз сөйлеп, «Bolashaq» Академиясы туралы ақпарат дайындады және ұсынды:
- Академия оқытатын білім беру бағдарламалары туралы, еңбек нарығындағы сұраныс және түлектерімізді жұмысқа орналастыру туралы;
- оқу шарттары, Академияның материалдық базасы, практика базалары, студенттерді әлеуметтік қолдау түрлері туралы.
Аталған мектеп-гимназияның кәсіби бағдар беру жұмысы бойынша жауапты мұғалім – Аяпбергенова Айнагүл Амангелдіқызы: «Мұндай кездесулер бітіру сыныптары үшін өте пайдалы және маңызды. Олар алдағы іс-әрекеттерге нұсқаулық ретінде қызмет етеді, оқушыларға кәсіби таңдауларын дұрыс жасауға көмектеседі» деген пікірін білдірді.
Іс-шара қызықты, достық жағдайда өтті. Болашақ талапкерлер үлкен қызығушылық танытты: оқушылар студенттік өмір, оқу процесі, оқытылатын пәндер, болашақ мамандық туралы сұрады.Мұндай іс – шаралар болашақ талапкерлерді тартуға, сондай-ақ, «Bolashaq» Академиясы – білім беру мекемесі туралы оқушыларға толық ақпарат беріп, саналы таңдау жасауға мүмкіндік береді.
