Алматы қаласындағы Абай атындағы ұлттық педагогика университеті, Академик С.Қирабаев атындағы қазақ әдебиеті және оқыту әдістемесі кафедрасының ұйымдастырумен 2024 жылдың қазан айында «ҮШ БӘЙТЕРЕК: ТАҒДЫР МЕН ТАҒЫЛЫМ» атты Сәкен Сейфуллин, Ілияс Жансүгіров, Бейімбет Майлиннің туғанына 130 жыл толуына арналған халықаралық онлайн форматта телекөпір өтті.
Аталмыш іс-шараға Қазақстан, Ресей, Қырғыз елдерінің ЖОО ғалымдары, оқытушылары, магистранттары мен студенттері қатысты. Осы аталған іс-шараға «Bolashaq» академиясы, Қазақ тілі мен әдебиеті кафедрасының аға оқытушысы Қ.Қ. Жанузахова мен 4-курс студенті Шари Қымбат қатысып, сертификат алды. Қазақ халқы «Үш бәйтерек» деп атап кеткен Ілияс Жансүгіров, Сәкен Сейфуллин, Бейімбет Майлин қазақ әдебиетіне айтулы ақын, қарымды қаламгер, дарынды драматург ретінде үлкен үлес қосты. Ұлт руханиятын даңқты туындыларымен, тақырып байлығымен, жанрлық қырларымен, көркемдік әлемімен байытты. Әдебиеттің «Үш бәйтерегі» өмірдегі өрнекті өнегелерімен халық жүрегіне жол тапты.
