Калибекова Гульнур
Отказали в выдаче справки
Құрметті Гульнара Мусиевна! Мен – қазақ тілі мен әдебиеті мұғалімімін, “Болашақ” университетінде 2012-2014 жылдары 5В011700 мамандығы бойынша оқыдым. Мұғалім болып орыс сыныптарында да, қазақ сыныптарында да 11 жыл жұмыс істеп келемін. Директор жұмысқа қабылдағанда мамандығымды толық тексеріп алған болатын. Алайда, мектебіміз аттестациядан өтетіндіктен, маған қосымша анықтама қажет. Анықтамада менің қазақ сыныптарымен қатар, орыс сыныптарында да қазақ тілін оқыта алады деп көрсетілуі керек. Бірақ, маған бұл анықтаманы беруден бас тартты. Мен Астанада тұратындықтан, Қарағандыға қазір бара алмаймын. Барлық ақпарат көздерін тексеріп, зерттей келе, менің бұл анықтаманы алуға толық құқығым бар. Себебі, мамандықтың шифрын талдай келе, менің қазақ сыныптарымен қоса, орыс сыныптарында да сабақ беруіме болатындығы анықталды. (Выпускники данной траектории могут выполнять образовательную деятельность в качестве учителя казахского языка и литературы в средних и профессиональных образовательных учреждениях, как с казахским языком обучения, так и с неказахским языком обучения.) Жақын арада осы сұрағыма жауап беруіңізді сұраймын. Егер қарсылық туындаса, оның себебін, дәлелін көрсетуіңізді сұраймын.
Комментарии:
Админ
Сіздің өтінішіңізге сәйкес, Академияға ресми түрде өтініш түспегенін анықтадық. Сіз анықтама алу үшін, Академия мұрағатына өтініш жазуыңыз қажет немесе ku_bolashak@mail.ru электрондық поштасына өтініш жолдаңыз. Өтініш 10 жұмыс күнінде өңделеді. Өтінішіңіз қабылданған соң, уақытылы қарастырылып, жедел түрде орындалады.
Байланыс телефоны 42-04-25 (ішкі 012)
Тамыз айының соңында архивке хабарласып сұраттым, алайда студенттік бөлім қызметкерлері менің мамандығымның орыс сыныптарында білім беруге жарамайтындығын айтып, анықтама беруден бас тартты. Ректордан сұрастырып білдік деп жауап берді. Бірақ маған мамандық шифрының қандай салада қызмет етуге болатынын көрсететін дәлел бермеді және одан кейін сұрақтарыма жауап бермеді. Қызметкерлердің жауапсыздығына, немқұрайлығына сөзім жоқ!
Админ
2012-2014 жылдарда Қазақстан Республикасында қазақ тілі мен әдебиеті мұғалімдерін даярлауда ҚР Мемлекеттік Классификатор 08-2009 сәйкес оқыту екі мамандық бойынша жүргізілді: 5В011700-Қазақ тілі мен әдебиеті және 5В012100-Қазақ тілі мен әдебиеті қазақ тілді емес мектептерде.
Мемлекеттік лицензияға сәйкес Қарағанды «Болашақ» университеті тек қана 5В011700-Қазақ тілі мен әдебиеті мамандығын оқыту жүзеге асырды.
ҚР Мемлекеттік жалпыға міндетті білім беру стандарты 6.08.073-2010 сәйкес 5В011700-Қазақ тілі мен әдебиеті мамандығы бойынша білім бакалавры өзінің кәсіби қызметін білім беру саласында атқарады.
5В011700-Қазақ тілі мен әдебиеті мамандығы бойынша білім бакалаврының кәсіби қызметінің нысандары:
– мектепке дейінгі оқыту және тәрбиелеу ұйымдары;
– бастауыш, негізгі және бейіндік мектептер;
– мамандандырылған мектептер;
– техникалық және кәсіптік, орта білімнен кейінгі білім беру ұйымдары болып табылады.
5В011700-Қазақ тілі мен әдебиеті мамандығы бойынша білім бакалаврының кәсіби қызмет пәні:
– қазақ тілі мен әдебиеті, әлемдік және ұлттық руханият, имандылық пен адамгершілік тәрбиесі, ізгілендіру, қоғамның жоғары саналы азаматын қалыптастыру болып табылады.
5В011700-Қазақ тілі мен әдебиеті мамандығы бойынша білім бакалаврының кәсіби қызмет түрлері:
– білім беру (педагогикалық) – жалпы білім беретін орта мектептерде, лицей, гимназияларда, техникалық және кәсіптік, орта білімнен кейінгі білім беру ұйымдарында;
– ғылыми-зерттеу (ғылыми-зерттеу мекемелеріндегі кіші ғылыми қызметкер);
– әдеби-шығармашылық (әдеби, мәдени мекемелерде, баспа орындарында);
– ұйымдастыру-басқару (орта мектептерде, гимназиялар мен лицей, колледждерде мамандығына тікелей қатысы бар мекемелерде);
– өндірістік-басқарушылық (мемлекеттік органдарда, түрлі кәсіпорын, өндіріс орындарында іс-қағаздары мен құжаттау бөлімдерінде);
– әдеби кеңесші болып табылады.
5В011700-Қазақ тілі мен әдебиеті мамандығы бойынша білім бакалаврының кәсіби қызмет функциялары:
– жалпы білім беретін орта мектептерде, гимназиялар мен лицейлерде, орта білімнен кейінгі білім беру ұйымдарында қазақ тілі мен әдебиеті пәндерінен дәріс беру;
– мамандығына қатысты ғылыми, әдеби, мәдени шаралар ұйымдастыру болып табылады.
Сәлеметсіздер ме! Сіздер әлі де жауапты бұрмалап тұрсыздар! Осы жазбада 5В011700 мамандығы тек ұлттық мектептерде, яғни тек қазақ сыныптарында ғана білім бере алады деп жазылмаған. Екі мамандық ашылғанымен, біреуі тек орыс сыныптарында білім бере алса, екіншісі екеуінде де білім бере алады. Мамандыққа түсер кезде осының бәрін ескере отырып түскен болатынмын. Басқа үниверситеттерде дәл осы мамандықпен бітіргендерге анықтама беріліп жатыр. Сіздер нақты жауабын қашан бересіздер?
Сәлеметсіздер ме! Сіздер әлі де жауапты бұрмалап тұрсыздар! Осы жазбада 5В011700 мамандығы тек ұлттық мектептерде, яғни тек қазақ сыныптарында ғана білім бере алады деп жазылмаған. Екі мамандық ашылғанымен, біреуі тек орыс сыныптарында білім бере алса, екіншісі екеуінде де білім бере алады. Мамандыққа түсер кезде осының бәрін ескере отырып түскен болатынмын. Басқа үниверситеттерде дәл осы мамандықпен бітіргендерге анықтама беріліп жатыр. Сіздер нақты жауабын қашан бересіздер?
Сәлеметсіздер ме! Сіздер әлі де жауапты бұрмалап тұрсыздар! Осы жазбада 5В011700 мамандығы тек ұлттық мектептерде, яғни тек қазақ сыныптарында ғана білім бере алады деп жазылмаған. Екі мамандық ашылғанымен, біреуі тек орыс сыныптарында білім бере алса, екіншісі екеуінде де білім бере алады. Мамандыққа түсер кезде осының бәрін ескере отырып түскен болатынмын. Басқа үниверситеттерде дәл осы мамандықпен бітіргендерге анықтама беріліп жатыр. Сіздер нақты жауабын қашан бересіздер?
Админ
2012-2014 жылдар аралығында Қарағанды «Болашақ» университетінде
5В011700-Қазақ тілі мен әдебиеті мамандығы бойынша қолданыстағы лицензияға сәйкес қазақ мектептері (сыныптары) үшін мұғалімдер даярланды.
Лицензияны қайдан тексеруге болады? Сілтемесін жіберіңіздерші. Бұрынғы сайттан да таба алмадым. Жауаптарыңызды күтемін
Маған жіберген лицензияларыңыздың көшірмесінде нақты ешқандай дәлел жоқ. Оқу орнының не себепті еш дәлелсіз анықтама бере алмайтыны да мен үшін әлі түсініксіз. Жауап алу үшін Ғылым және жоғары білім министрлігіне жазуға тура келеді.
